Vino januš ljubi, sečen divojčicu snubi.
Sušec kopa polja, mali traven cvtice daje
Cvet šume i zdenec velikoga travna je venec.
Da junijuš seno, julijuš da slamo zobeno,
Auguštuš klase, september grozdje da za se.
Oktober klice. November z(h)vlači šibice.
Iščuč sebi hranu zakolje prasca december. (Danica 1837: 1–2)
Kada je čisto, lepo i jasno vreme i pugu, drugač poleg priproste navade Božji pas zvanu, na nebu vidiš, za stanovito veruj da bude dežđa. Ako pako po dežđu vidiš pugu, na skorom se ščisti vreme. Ako je k poldnevu puga, jako velik dežđ nadojde. Ako je k sunčenomu zahodu, mala samo rosica bude. Ako je k sunčenomu ishodu i vre sunce pričelo je zahađati, lepo jasno vreme znamenuje.
Nadalje z čem je zeleneša puga, z tem vekšega dežđa bude. Z čem pako črleneša, z tem vekšega vetra. (Danica 1837: 1–2)