Iz Danice zagrebečke: Narodna medicina

Domači vračitel

a) Proti zlatenici pod kožum

1. 1. 1. Bezgove i orehove srednje kore z korenjem metlikovine (iliti črnoga pelina) vu vinu ali vodi skuhaj i pij po jutrah i večerih.
      2. Vsako jutro na tešče i večer, predi nego ležeš, tri žlice tople vode posrkni.

b) Proti vulogom i krču

Metlikovine pušelj vu olju tak dugo kuhaj dok se tri strani pokuhaju, z tem boleže žile veži.

c) Komu iz vuha curi

Frišku leču stuci, sprešaj i zalevaj.

d) Kad se gdegod skule naprave

Travu steničnjak (gramen leporinum tremulum) kuhaj i spiraj.

e) Za objačiti slabe zube

Naj si vzeme listje od kupine poljske i naj ju vu vinu kuha ter z ovem vinom naj se večkrat vusta i zubi spiraju i ovak z vremenom zubi i zuberine objače se i čvrsteše postanu. (Danica zagrebečka 1840: 73–74)